|
|
World War I Poetry
| Submitted By : |
Willie Wilson |
|
| |
|
| Date Submitted: |
15th April 2004 |
| |
|
| Department: |
N/A |
| |
|
| Length of Service: |
N/A |
| |
|
| Reason For Leaving: |
N/A |
| |
|
| Mill Memories / Comment: |
Here is a poem given to the group by Willie Wilson
of Kirk Glebe Neilston. The poem is of young brave soldiers from Neilston
heading off to fight in World War I |
| |
THE BONNIE WEE TOON
O' NEILSTON
Tune- "John McLean" |
| |
|
Ye've asked me for
to sing a sang:
Weel frien's, I don't think I'd be wrang
Tae sing o' the laddies wha belang
Tae the bonnie wee toon o' Neilston,
For when this dreadfu war broke out,
Whaur's the man wid daur dispute
That mony a sturdy young recruit
Left the bonnie wee toon o' Neilston.
***
Chorus
We are mair than prood o' them
Wha went the tide o' war to stem
And hoped they'd bring a V.C. or a D.C.M.
Tae the bonnie wee toon o' Neilston
***
We gaily saw them tae the train,
And there we sang wi' micht and main
Dinna be lang till yer back again
Tae the bonnie wee toon o' Neilston.
We kept them cheery wi' our chaff,
And cracked a joke tae make them laugh,
But didna they get a great send-aff
Frae the bonnie wee toon o' Neilston.
***
Chorus
The wounded sodgers, ane an' a' Wha
spent a while at Cardenha'
Where awfu' swered tae gang awa'
Frae the bonnie wee toon o' Neilston.
Every ane aye said the same,
That it was just like being at hame,
And that they were awfu' prood they came
Tae the bonnie wee toon o' Neilston.
***
Chorus
But, O. hoo sad it is tae tell,
Through poisoned gas and bursting shell,
O' the dauntless daring lads
wha fell Frae the bonnie wee toon o' Neilston.
Manfully they their duty din,
And died like heroes every yin.
May they rest in peace and bliss abin,
Frae the bonnie wee toon o' Neilston.
***
Chorus
Written by S Morrison, High Street, Neilston.
One penny each |
|
 |
|
|
